Zonat e lakmuara për Investime Strategjike, zbardhet harta e zonave në bregdet që do të preken

Pezullimi nga qeveria i dhënies së tapive për trojet e dhëna me ligjin 8053 të vitit 1995 për ndarjen pa shpërblim të tokës për ish ndërmarrjet bujqësore do të bëhet vetëm në vijën bregdetare.Harta e publikuar nga qeveria paraqet një vijë ndarëse përgjatë gjithë bregdetit, dhe praktikisht përfshin gjithë tokat me vlerë që nga grykëderdhja e Bunës në Veri deri në kepin e Stillos në kufirin jugor të vendit me Greqinë.Vendimi për mosregjistrimin e trojeve të dhëna përmes komisioneve të shpërndarjes së tokave përfshin shumë fshatra bregdetarë në jug, zonat lagunore të Divjakës, Shëngjinit, Nartës, dhe Velipojës. Me njolla të kuqe janë shënjuar edhe gjiri i Porto-Palermos në Himarë, Gjiri i Lalëzit apo bregdeti i Ksamilit përballë ishullit të Korfuzit.Praktikisht harta përfshin zonat me trojet më të lakmuara në Shqipëri, dhe sipas qeverisë pezullimi do zgjasë deri në krijimin e një Fondi tokash për Mbështetjen e Investimeve Strategjike.Tokat që do të futen në këtë fond do t’u jepen më parë investitorëve. VKM mbart shumë pikëpyetje pasi një e drejtë e dhënë me ligj nuk mund të hiqet me vendim qeverie. Paralelisht ekzekutivi ka ngritur një strukturë që do të evidentojë tokat shtetërore në bregdet: një task forcë që do të filtrojë të gjitha tokat në një gjerësi prej 1 kilometri e gjysmë nga bregu i detit./ZgjohuShqiptar.info

Loading...

Leave a Reply

Your email address will not be published. Required fields are marked *